الفضيلـــــة

المنتخب المصرى ابن المعلم شحاته اتهزم يارجاله بالزامبى

دى العبارة اللى جت فى بالى اول ما انتهى الماتش يبن مصر وزامبيا بالتعادل وانكسارت الفرحه فى قلوب 80 مليون مصرى كانت كل امالهم معلقه باقدام مجموعه من اللاعبين فى انتظار اى فرحه حتى ولو من لعبه

كان كل اصدقائى والنقاد والمحللين قبل الماتش يتغنوا بالمنتخب والكل يراهن هو هيفوز كام والشعب الطيب يدعى ويتمنى الفرحه ويتمنى اننا نحقق اى فوز ولو حتى فى لعبه وكان الرهان مصر هتفوز كام 3 ولا 4 ولا 5 لكن النتيجه جاءت لتكسر الفرحه فى قلب 80 مليون وتقولهم عمر الفرحه ما هى دخله قلوبكم حتى ولو فى لعبه !!!!!!!!!!!!!!!!!

ومع صافرة النهايه افتكرت سعيد صالح فى مدرسة المشاغبين وهو بيقول مرسى ابن المعلم الزناتى اتهزم يارجاله بالانجليزى لاجد نفسى ارد على نفسى بقول المنتخب المصرى ابن المعلم شحاته اتهزم يرجاله بس المرة دى كانت بالزامبى

|